نـوکیـــں دؤرے آیگءَ انـــت

نـوکیـــں دؤرے آیگءَ انـــت

نـوکیں دؤرے آیگ انت. بلوچ مهلوک ءِ بــُن پیرکی سرزمین، درستیں بلوچانی بلوچستان ءِ آزاتی ءِ روچاں نـزّیک بیـان انت. بلوچستان ءِ کتـه کار ءُ کلانیــں راجی ـ سیاسی ءُ سماجی سروکاں ، کـوم دوستیـں نیکراهی رهدربراںءُ بلوچ راج ءِ پسّگ ءُ ورنایاں گــوں تپــاکی ءُ یکـــویی تیار بؤگ لوٹیت تنکه آیوکیں وهد ءُ روچاں شـریں پیمے ءَ په رونشتی بلوچستان ءِ مردمـی ءُ دمکراتیکیں سیاسی ءُ سلهبندی ءُ مـُـلکداری واکانی هوربند ءُ اداره یاں اڈ کنگ ءُ برجاه به بنت. پمیشکا په گـوم ءُ گیـگ اے باروءَ باید انت پگر ءُ هیال ، هـــوردچاری (هیرت چاری ) ءُ دورچاری به کنین ءُ وتی هیال ءُ لیکه یاں بلوچ مهلوک ءِ آینــده ءُ بلوچستان ءِ باندات ءُ آیوکیں وهد ءِ باروءَ ماں شهــد ءُ شیرکنیں بلوچی زبانءَ به نبیسین ءُ ماں راجی وبسایت ءُ بلوچ دوستیں وبلاگاں شنگ ءُ تالاں بکنیں.
تهران ءِ فاشیستی واکداران ءِ نزور بیگ ءِ درگت ءَ آهانی رستری واک ماں بلوچ گلزمین ءَ هم الّــم ءَ سست بیت انت. گنوکیں زابلی ءُ ڈنّی یں پارس چشیں کارکرد ءُ کارپدے نبوتگ ءُ نیســت که آ وهد ءَ ماں بلوچستان ءَ جان بیار اَنت.
هور گوں ڈنّـی یان ءِ گلینگ ءَ یکـے چه زلوری ءُ بنیاتی کاراں بلوچستان ءِ هــَنـدی ءُ دمگــی مردمی شوراهانـی گچینکاری ءُ مردمـی مچی یان ءِ اڈ کنگ انـت. بزاں ماں جاسک، میناب، بشکرد، گیابان، رمشــک، کنرک، چهبار، دشتیاری باهوکلات، راسک، پیشن، سرباز، آشار ءُ ایرکشان، نسکنت، مگس، چاهان، دهوار، پسکوه، سـِب، سوران، کنت ءُ هیدوچ، بم پشت، هشک، شستـون، واش، نوک آباد، اسکل آباد، ایرندگان، لـَـد ءُ رگنتک، ڈمــّن، پهره، بنپــور، اسپکه، مسکوتان، گـِه، هیچان، بنت ءُ دهان، لاشار، چانــپ، کسرکنــد، دزآپ، لادیز، نصرت آباد، بـــم ءِ زرباری بهــر ، میرجــاوه، زابل، دوست محمد، زهک ءُ ملــک ءِ دگه هـَنـــد ءُ دمگـــاں مـردمی شورایانی گچیں کنگ باز زلوری یں کارے انــت. بلوچستــان ءِ هداروکــی راجــی دیوان ( مجلــس ملــی موقــت بلوچستــان ) ءِ ٹاهینــوک ءُ مردمــی پشتــدار ( پشتیبــان مردمــی) همــے شورایان بوت کننــت


بلوچستــان ءِ هداروکــی راجی دیوان ءِ گچیــں بوتگین ءُ زانتکاریــں باسکاں که سجئیں بلوچستان ءِ مهلوک ءَ نمایندگی کننت په بلوچستان ءِ کانود ءُ بن رهبندانی اڈ کنگ ءُ ٹاهینگ ءَ ماں دزآپ یا پهــره ءَ مچ بنــت تانکه ملکداری ءُ دگه سیاسی، اجتماعی ءُ اقتصادی مسئله یانی باروا ءَ گپ ءُ تران، دیوان ءُ پیسله بکننت..بلوچ سرمچاران ءُ هـَنـدی شـورایاں، کوم دوستیـں کماش ءُ راجــی سروکاں په ملک ءِ ایمـنی ءُ آرام دارگ ءَ تاں بلوچستان ءِ راجی حکومت ءِ اڈ بیگ ءَ اگده دار انت.
بلوچستــان ءِ راجــی دیــوان ماں ملک ءِ بنجاهی شهرءُ مچــی ءُ شورایاں ماں بلوچ گلزمیــن ءِ شهـرءُ میتــگ ءُ کلگان بلــوچ ءِ مردمی واک انــت.

سرداری ءُ نوابی ءِ مـرتگیں سیستم مئے تاریخ ءُ راجدپتر ءِ گوستگیں دورءِ پـُر جنجال ءُ بے سیتیں بهـرے انت. اگاں چه تهرانءِ بلوچ دژمنیں فاشیست لهتیں ناسرپدیـں بلوچ ءِ سرا سرداری ءِ پاگ بستگ ءُ کلاه ایرکتگ ءُ کوشست کرتگ که ملک ءُ مهلوک ءَ پدا بداریت ءُ مئی دیمروی ءَ به اوشتارینیت بلے بلوچاں دیم ءَ چارگ لوٹیت. اداں اے گپ
هـم گوشگــی انت که همــا تگارلاپین ءُ وت گڑیــں مـلا که پـه بلوچانی لٹ کٹ ءُ کــوم ءِ ایردست دارگ ءَ گــوں ڈنـّی یـں پارس هم کوپگ بوتگ انت آ هـم وتی چکـــّاس ءَ داتگ انت. چشیــں مردمـان ءِ کارکـرد په بلوچ ءَ ننــگ انت ءُ آ که مئےکـوم ءُ بلوچستان ءَ تاوانبار کتگ، نئے مستــری ءِ لائک انت ءُ نئے کـه نیکراهی رهبندانی مــؤمـــن ءُ دوزواه انــت.
بلوچستــان ءِ آینــده بلــوچ کوم ءِ هاله ئیں واکــداری ءِ دؤر انت، بلوچستــان ءِ راجــی دیوان ءُ راجــی حکومــت ءُ راجی بــُن رهبنــد ءِ دؤرانت.

آ بلوچ ءُ بلوچ اوبادگاں که پهکدلیــں، کومـی زانتکار اَنــت ءُ مردم آهانی سیاســی یا اجتماعی رهدربری ءَ به لوٹنت، هـَمــــا رهدربری ءُ کماشی ءِ لائک انت. بلوچستان .ءِ آینـــده، کومی ءُ مردمـــی شورا ءُ مچی یان ءِ دؤرانت. هما دیمروی پسندیں مچــّی که په بلوچستان ءِ مهلوک ءِ هکـّان ءُ راج ءِ هاترا سیستماتیکیں وڑے ءَ جد ءُ جهد به کننت

پروشت ءُ پروش بات تهـــران ءِ شیعــی ـ فاشیستــی حکومــتآزات ءُ آبــاد بات گنجیـــــں بلوچستـــــان